"ဒါဆို..ဒါ...ဘာကြောင့်လဲ"

သူ့တပည့်အမူအရာကို ကြည့်ပြီး ဦးယက္ခ အနည်းငယ်ခေါင်းခါယမ်းလိုက်မိသည်။

သူ ပျိုးထောင်ခဲ့သော တပည့်က ယခုလို အင်မတန်ပျော့ညံ့နေသည်မှာ စိတ်ပျက်ဖွယ်ရာပင်။

ထို့နောက် အနားရှိကျောက်စာတိုင်တစ်ခုအား အသာပွတ်သပ်လိုက်ရာ ပုဏ္ဏ လက်နှင့်ထိစပ်နေသော ကျောက်တိုင်မှ အနက်ရောင်အခိုးအငွေ့များ ထွက်လာသည်။

၎င်းအခိုးအငွေ့များမှာ ပုဏ္ဏ လက်မောင်းရှိ ဗျသ္သနအမှတ်အသားအနီးစုဝေးလျှက် ခန္ဓာကိုယ်အတွင်း စိမ့်ဝင်သွား၏။

ဒါကဘာတွေလဲ...ငါ့ရဲ့ကာယသိဒ္ဓိက မတားနိုင်တော့ဘူးပဲ...

"ဝေါ့"

ပုဏ္ဏ နှုတ်ခမ်းထောင့်မှ သွေးများစီးကျလာသည်။

သူ့ဦးခေါင်းထဲတွင် ငရဲတမျှ ဆူညံလှသော အသံမျိုးစုံကို မခံမရပ်နိုင်လောက်အောင် ကြားနေရသဖြင့် လူက တုန်ရီမောဟိုက်ခါ ဒူးညွှတ်ကျသွား၏။

ရွာအုပ်မှာ ပုဏ္ဏ အဖြစ်ကိုဆက်ကြည့်မနေနိုင်တော့.

"သင်က အင်ပါယာကို ပုန်ကန်ရာရောက်နေပြီ ယက္ခ.."

ဒေါသကြောင့် ယခင်ကလို ယဥ်ကျေးစွာ ပြောဆိုမနေနိုင်တော့ပေ။

"အင်ပါယာ"

ဦးယက္ခ တီးတိုးရေရွတ်ရင်း ရုတ်ခြည်း သူ့အသံက အေးစက်သွားကာ--

"နှစ်ပေါင်းများစွာအတွင်း အခွန်ဆက်ရတာကလွဲရင် ဘာများ ကောင်းခဲ့ပေလို့လဲ...အကယ်၍ သခင်ကာလုသာ...."

"တော်လိုက်တော့ ယက္ခ..."

ရွာအုပ်မှာ ဆက်နားထောင်မနေတော့ပဲ နောက်လှည့်၍ ကာကွယ်ရေးတပ်သားများကို ကြည့်ကာ အမိန့်ပေးလိုက်သည်။

"ဒီအပြစ်သားကို ရွှေနန်းရှင်စီ အပ်နှံရမယ်...ဝိုင်းထားကြစမ်း"

ကာကွယ်ရေးတပ်သားများသည် ဦးယက္ခစီတွင် သင်ကြားဖူးသူများဖြစ်သော်လည်း ရွာအုပ်အမိန့်အား မလွန်ဆန်ဝံ့ချေ။ ဓားများ၊လှံများကိုင်ကာ နေရာအသီးသီးမှ ဝိုင်းရံထားလိုက်ကြသည်။

ဒေါနကမူ အဖြစ်အပျက်များကို လက်မခံနိုင်ပဲ နေရာမှာပဲ ဝေခွဲမရဖြစ်စွာ ရပ်နေဆဲပင်။

ဦးယက္ခ ခေါင်းကိုအသာယမ်းရင်း တီးတိုးလေသံဖြင့်--

"ဘိ

အခန်း~11

Comments